И-Гэрээ

Тойм

E-Geree (И-Гэрээ) нь “Смарт Контракт Монголиа” ХХК-ийн хөгжүүлж, 2024 оноос хэрэглээнд нэвтрүүлсэн цахим гэрээ, баримт бичгийн удирдлагын цогц платформ юм. Тус систем нь иргэн, аж ахуйн нэгж, төрийн байгууллагуудад гэрээ, хэлцэл, баримт бичгийг цахимаар үүсгэх, илгээх, тоон гарын үсгээр баталгаажуулах, блокчэйн технологиор бүрэн бүтэн байдлыг баталгаажуулах, аюулгүй хадгалах, удирдах боломжийг олгодог. Үндсэн боломжууд: Гэрээ, баримт бичиг цахимаар боловсруулах, илгээх, олон талт гарын үсгээр баталгаажуулах Хиймэл оюун ашиглан гэрээ боловсруулах, хянах, орчуулах Төрийн мэдээлэл солилцооны ХУР болон танилт нэвтрэлтийн ДАН системээр мэдээлэл баталгаажуулах Дотоодын тоон гарын үсгийн системүүдтэй интеграц хийх Блокчэйн цагийн тэмдэглэгээ, SHA-256 хэш ашиглан баримт бичгийн бүрэн бүтэн байдлыг баталгаажуулах Гэрээний нэгдсэн сан, хяналт, удирдлага, аудитын бүртгэл API холболтоор байгууллагын ERP, CRM болон бусад системтэй интеграц хийх Зах зээл ба хэрэглээ: E-Geree платформыг 405,000 гаруй иргэн, 7,360 байгууллага, үүний дотор төрийн 22 гаруй байгууллага ашиглаж байна. Нийслэлийн хог хаягдлын үйлчилгээний гэрээ, ерөнхий боловсролын сургууль, цэцэрлэгийн гурвалсан гэрээ, “Эрдэнэт үйлдвэр” ТӨҮГ-ын худалдан авалтын гэрээ зэрэг томоохон цахимжуулалтын төслүүдэд нэвтрүүлсэн. Мэдээллийн аюулгүй байдал: E-Geree нь ISO/IEC 27001:2022 стандартын гэрчилгээтэй бөгөөд AES-256 шифрлэлт, TLS 1.2/1.3 хамгаалалттай холболт, SHA-256 хэш баталгаажуулалт, OAuth 2.0, MFA, RBAC, WAF болон аюулгүй байдлын мониторингийн технологийг ашиглан мэдээллийн нууцлал, бүрэн бүтэн байдал, найдвартай ажиллагааг хангадаг. Олон улсын хөгжил: E-Geree нь Монгол Улсад амжилттай нэвтэрсэн технологийн шийдлээ олон улсын зах зээлд өргөжүүлж, иргэн, байгууллагуудын хил дамнасан цахим гэрээний хэрэглээг хөгжүүлэх зорилготой ажиллаж байна. Вэбсайт: https://e-geree.mn/mn/

• Тоон гарын үсэг, блокчэйн баталгаажуулалт
• Төрийн системийн интеграц, ISO 27001:2022 мэдээллийн аюулгүй байдал
• Гэрээний цахим бүрдүүлэлт, олон талт гарын үсэг

Үзүүлэлт